சாமை உப்புமா

செய்முறை:

• சாமையைத் தண்ணீரில் நன்றாக அலசவும்.
• வெறும் வாணலியில் சுத்தம் செய்த சாமையை வாசனை வரும் வரை வறுக்கவும். 
• வறுத்த சாமையை வேறொரு பாத்திரத்தில் மாற்றி அதில் தண்ணீர் ஊற்றி சுமார் 20 நிமிடங்களுக்கு ஊற வைக்கவும். 
• வாணலியில் எண்ணெய் ஊற்றி தாளிக்கக் குறிப்பிடப்பட்டுள்ள பொருட்களை சேர்த்து தாளிக்கவும்.
• நறுக்கிய வெங்காயத்தை அதில் போட்டு வதக்கவும்.
• வெங்காயம் வதங்கியதும் நறுக்கிய தக்காளியைச் சேர்த்து வதக்கவும். 
• தக்காளி வதங்கியதும் மஞ்சள் தூள், தேவையான உப்பு மற்றும் தண்ணீர் சேர்த்துக் கொதிக்க விடவும்.
• தண்ணீர் கொதிக்கத் தொடங்கியதும் வறுத்து ஊற வைத்த சாமையை தண்ணீரில்லாமல் எடுத்து கொதிக்கும் தண்ணீரில் சேர்த்துக் கிளறவும். 
• அனைத்துப் பொருட்களும் நன்றாகக் கலக்கும் வகையில் கிளறி விட்டு, ஒரு தட்டுப் போட்டு சிறிது நேரத்துக்கு மூடி விடவும். 
• அவ்வப்போது திறந்து அடிபிடிக்காமல் கிளறி விடவும். 
• தண்ணீர் வற்றியதும் தணலைக் குறைத்து மேலும் சிறிது நேரம் அடுப்பில் வைக்கவும். காந்தல் ருசி பிடித்தவர்கள் சிறிது காந்த விடலாம்.
• நன்றாக வெந்து விட்டதை உறுதி செய்து கொண்டு, சிறிது கொத்துமல்லி தழையைத் தூவி அடுப்பிலிருந்து  இறக்கி வைக்கவும்.
• தேவையெனில் சிறிது ஆறிய பின் எலுமிச்சை சாறு சிறிதளவு சேர்க்கலாம். 

குறிப்பு

சாமையை வெந்நீரில் ஊற வைப்பதாக இருந்தால் வாணலியில் ஊற்றும் தண்ணீரின் அளவைப் பாதியாகக் குறைத்துப் பின் தேவைப்பட்டால் சிறிது சிறிதாகச் சேர்க்கவும்.

உப்புமா உதிரி உதிரியாக இருக்க வேண்டும் என்று விரும்பினால் தண்ணீரின் அளவை மேலும் குறைக்கலாம்.