வக்கிராசனம் என்றால் முறுக்கிய நிலை ஆகும். வடமொழியில் வக்கிரம் என்றால் முறுக்குதல் (twisted) ஆகும். முதுகுத்தண்டினை இடபுறமாகவும், பின் வலபுறமாகவும் முறுக்கி செய்வது ஆகும். இதனால், முதுகுத்தண்டின் நெகிழ்வுத்தன்மை அதிகரித்து முதுகெலும்புகளுக்கிடையிலான இறுக்கத்தை குறைக்கிறது. உடல் முறுக்குவதால் இடுப்பு பகுதி பலப்படுகிறது. முக்கியமாக சீரண மண்டலத்தின் இயக்கத்தை மேம்படுத்துகிறது.
வக்கிராசனத்தின் மேலும் சில பலன்கள்
- மலச்சிக்கலை போக்குகிறது.
- சீரணத்தை மேம்படுத்துகிறது.
- கழுத்து வலியை போக்குகிறது.
- தைராய்டு சுரப்புகளின் செயல்பாட்டை ஊக்குவிக்கிறது.
- வயிற்றிலுள்ள அதிக கொழுப்பை குறைக்கிறது.
- மாதவிடாய் கோளாறுகளை போக்குகிறது.
- வயிற்று உள் உறுப்புகளின் செயல்பாடுகளை மேம்படுத்துகிறது.
செய்முறை
- விரிப்பில் கால்களை நீட்டி அமரவும்.
- வலது காலை மடித்து வலது பாதத்தை இடது கால் முட்டியின் அருகே வைக்கவும்.
- வலது கையை வலது புட்டத்திற்கு பின்னால் தரையில் வைக்கவும்.
- இடது கையை வலது முட்டியின் மேல் வழியாக கொண்டு வந்து வலது கணுக்காலை பிடிக்கவும்.
- தலையை திருப்பி முகவாயை வலது தோளுக்கு நேர் மேலே வைக்கவும்.
- 30 வினாடிகள் இதே நிலையில் இருந்த பின் காலை மாற்றி செய்யவும்.
குறிப்பு
குடலிறக்கம், அல்சர் மற்றும் தீவிர முதுகுத்தண்டு கோளாறு உள்ளவர்கள் இந்த ஆசனத்தை தவிர்ப்பது நல்லது.
இன்று ஒரு ஆசனம் (25) – ஜானு சிரசாசனம் (Head to Knee Pose)
வடமொழியில் ஜானு என்றால் ‘முட்டி’, ‘சிரசா’ என்றால் ‘தலை’. முட்டி தலை ஆசனம் – அதாவது, தலையை கால் முட்டியில் வைப்பது (Head to Knee Pose) ஆகும். வேறு ஒரு வகையில், ஒரு
இன்று ஒரு ஆசனம் (23) – சுப்த வஜ்ஜிராசனம் (Supine Thunderbolt Pose)
வஜ்ஜிராசனம் பற்றி முன்பே பார்த்திருப்போம். வஜ்ஜிராசனம் என்பது உடலை வைரம் போல் உறுதியாக்கும் ஆசனம் என்றும் பார்த்திருப்போம். சுப்த வஜ்ஜிராசனம் என்பது படுத்த நிலையில் வீராசனத்தில் இருப்பதாகும். வட மொழியில் ‘சுப்த’ என்றால் ‘படுத்திருத்தல்’
இன்று ஒரு ஆசனம் (22) – வீராசனம் (Hero Pose)
பெயரிலேயே புரிந்திருக்கும், இது வீரம் பெறக் கூடிய ஆசனம். பயத்திற்கு எதிர்ப்பதம் வீரம். பொதுவாக பயம் அதிகமானால் கை, கால்கள் நடுங்கும். பதட்டமும் கூடவே தொற்றிக் கொள்ளும். அதன் எதிர்விளைவாக கோபமும் வரும். தொடர்ந்து
