சக்கரங்கள் ஏழு அல்ல, எட்டு – தமிழரின் மருத்துவத் தொன்மை

கல் தோன்றி மண் தோன்றா காலத்தே.. – திருமூலரும் தமிழர்களின் தொன்மை மருத்துவமும்

கல் தோன்றி மண் தோன்றா காலத்தே முன் தோன்றிய மூத்த குடிகள் என்று தமிழினத்தைப் பற்றிக் கூறுவது முற்றிலும் சரியானது என்பதற்கான முக்கியச் சான்றுகளில் ஒன்று திருமூலரின் திருமந்திரம். 

2-ம் நூற்றாண்டில் கிரேக்க அறிஞரான Galen பீனியல் சுரப்பு பற்றிக் குறிப்பிடுகிறார். பீனியலைப் பற்றி அவருக்கு முன்னரே சிலர் குறிப்பிட்டுள்ளதாகக் கூறும் அவர் அதன் செயல்பாடு விஷயத்தில் அவர்கள் கூற்றிலிருந்து முரண்பட்டு இதன் அமைப்பு மற்றும் சுற்றியுள்ள இரத்த நாளங்களுக்குத் துணையாய் இருக்கும் காரணங்களால் அதைத் தான் சுரப்பு என்று கருதுவதாகக் கூறுகிறார். அவரே அதன் அமைப்பு pine கொட்டையை ஒத்திருப்பதால் அதற்கு பீனியல் என்ற பெயரையும் வைக்கிறார். அவரின் மருத்துவ ஆய்வுகளின் தாக்கத்தை ஒட்டியே  17-ம் நூற்றாண்டின் மத்திய காலம் வரை பல்வேறு ஆராய்ச்சியாளர்களும் ஆய்வு செய்யும் நிலை நீடிக்கிறது. 

19-ம் நூற்றாண்டின் முற்பகுதி வரை பீனியல் சுரப்பின் செயல்பாடுகள் பற்றிய் ஆய்வுகளில் குறிப்பிடத்தக்க முன்னேற்றம் எதுவும் இல்லை. 19-ம் நூற்றாண்டின் பிற்பகுதியில் பீனியல் சுரப்பு, ஆன்மாவின் இருப்பிடமாக,  ஆன்மிகத் தெளிவுக்கான தொடர்பாக அடையாளப்படுத்தப்படும் மூன்றாவது கண்ணாக கருதப்படும் நிலை உருவாகிறது. இதே காலக்கட்டத்தில்தான் பீனியல் ஒரு நாளமில்லா சுரப்பாக இருக்கலாம் என்கிற கருத்தும் முன்வைக்கப்படுகிறது.

20-ம் நூற்றாண்டில், 1958-ஆம் வருடத்தில்தான் பீனியல் சுரப்பு, தூக்கம் விழிப்பு சுழற்சியை  (circadian rhythm-ஐ) முறைப்படுத்தும் மெலடோனின் என்கிற ஹார்மோனை சுரக்கிறது என்று நவீன மருத்துவம் கண்டுபிடிக்கிறது. 

ஆக, இதிலிருந்து நாம் தெரிந்து கொள்ளும் முக்கியத் தகவல்கள் என்னவென்றால்:

• பீனியல் பற்றி 2-ம் நூற்றாண்டிற்கு முன் சிலர் குறிப்பிட்டிருந்தாலும், பீனியல் ஒரு சுரப்பாக இருக்கலாம் என்று கூறப்பட்டது 2-ம் நூற்றாண்டில்தான். அப்பொழுது அதற்கு பீனியல் என்ற பெயரும் அதன் அமைப்பின் காரணமாக வைக்கப்படுகிறது.
• 19-ம் நூற்றாண்டின் பிற்பகுதியில்தான் பீனியல் ஒரு நாளமில்லா சுரப்பாக இருக்கலாம் என்கிற கருத்து முன்வைக்கப்படுகிறது. அப்பொழுதுதான் அது மூன்றாம் கண்ணாக, ஆன்மாவின் தொடர்பாக இருக்கலாம் என்கிற கருத்தும் முன்வைக்கப்படுகிறது.
• 20-ம் நூற்றாண்டில், 1958-ல்தான் பீனியல் ஒரு நாளமில்லா சுரப்பு என்பதும் அது மெலடோனின் என்கிற, தூக்கம் விழிப்பு சுழற்சியைக் கட்டுப்படுத்தும் ஹார்மோனைச் சுரக்கிறது என்றும் கண்டுபிடிக்கப்படுகிறது. 

நிற்க, நாம் ஏன் தமிழர்களைக் கல் தோன்றி மண் தோன்றா காலத்தே முன் தோன்றிய மூத்த குடி என்று கூறுகிறோம்? ஒரு இனத்தின் மருத்துவம் எந்த அளவிற்குத் தொன்மையாக இருக்கிறதோ, அந்த அளவிற்கு அதன் உடற்கூறு இயல் தொன்மையாக இருக்கும். அப்படிப்பட்ட இனம் மிகவும் தொன்மையானதாகத்தான் இருக்க முடியும்.

பண்டைய கிரேக்க அறிஞர்கள் தொடங்கி நவீன மருத்துவம் வரை பல நூற்றாண்டுகளாகப் பீனியல் பற்றிக் கண்டுபிடிக்க முயற்சித்துச் சென்ற நூற்றாண்டில் சில முக்கிய கண்டுபிடிப்புகளை  நிகழ்த்தியிருக்கும் பொழுது, ஆயிரக்கணக்கான ஆண்டுகளுக்கு முன் வாழ்ந்த திருமூலர், தான் எழுதிய திருமந்திரத்தில் பீனியல் சுரப்புப் பற்றி மட்டுமல்லாமல் அதன் அமைப்பு, இருப்பிடம் மற்றும் செயல்பாடுகள் பற்றியும் விவரித்துள்ளார்:

• பீனியல் சுரப்பை திருமூலர் ஈசன் என்று குறிப்பிடுகிறார்.
• திருமந்திரத்தின் 14-வது பாடலில் ஈசனே, அதாவது பீனியல் சுரப்பே ஆழ்மனதின் வாயிலாக இருக்கிறது என்று கூறுகிறார்.
• 36-வது பாடலில் பீனியல் உயிர் தரும் அமிழ்தைச் சுரக்கிறது என்று கூறியிருக்கிறார். உயிர் தரும் அமிழ்தாக அவர் குறிப்பிடுவது மெலடோனின் பற்றியே. 
• திருமந்திரத்தின் 16-வது பாடலில் பீனியல் அமைப்புப் பற்றிக் கூறுகையில் அது கூரான மேலிடத்தைக் கொண்டதாக இருக்கும் என்கிறார். மேலும், பீனியல்,  பிட்யூட்டரி, ஹைப்போதலாமஸ்  ஆகிய மூன்றும் கொன்றைப் பூ நரம்பின் வடிவில் உள்ள அமைப்பின் கீழ் இருப்பதாகக் கூறுகிறார். அவர் கொன்றைப் பூ நரம்பின் வடிவு என்று கூறுவதைத்தான் நவீன மருத்துவம் corpus callosum என்று அழைக்கிறது.

கீழ் உள்ள கொன்றைப் பூவின் நரம்பின் படத்தைப் பார்க்கவும்:

நன்றி: https://www.feedipedia.org/node/325

Corpus callusum-ன் வடிவத்தைப் பார்க்கவும்.

நன்றி: https://sen842cova.blogspot.com/2018/01/corpus-callosum-anatomy.html

ஆக, பல ஆயிரம் ஆண்டுகளுக்கு முன்பே திருமூலர் தன் நூலாகிய திருமந்திரத்தில் விளக்கியுள்ள உடற்கூறு இயலைப் பார்க்கும் பொழுது தமிழரின் தொன்மை வார்த்தைகளில் விவரிக்கவே இயலாத பிரமிப்பை ஏற்படுத்துகிறது. 

மேற்படி தகவல்கள் அனைத்தும் திருமூலரின் திருமந்திரத்தின் முதல் 50 பாடல்களுக்கு விளக்க உரை எழுதியுள்ள மரு. ச. இரா. தமிழரசு அவர்களின் ‘திருமூலர் திருமந்திரம் – தொன்மையின் மீட்டெடுப்பு – கடவுள் வாழ்த்து’ என்ற புத்தகத்தில் இடம் பெற்றுள்ளது. 

திருமூலர் திருமந்திரம் – தொன்மையின் மீட்டெடுப்பு – கடவுள் வாழ்த்து என்ற புத்தகத்தை வாங்க எங்களை அணுகவும்.

தொலைபேசி எண்கள்: 9941221126, 9841770302

மின்னஞ்சல் முகவரி: [email protected]